റേഷന്‍ വിതരണ മേഖലയിലെ പ്രതിസന്ധി സര്‍ക്കാര്‍ ഉടന്‍ പരിഹരിക്കണം: പി ആര്‍ സിയാദ്
sdpi
23 നവംബർ 2022
തിരുവനന്തപുരം: റേഷന്‍ വിതരണ മേഖലയിലെ പ്രതിസന്ധി പരിഹരിക്കാന്‍ സംസ്ഥാന സര്‍ക്കാര്‍ അടിയന്തര നടപടി സ്വീകരിക്കണമെന്ന് എസ്ഡിപിഐ സംസ്ഥാന സെക്രട്ടറി പി ആര്‍ സിയാദ്. കഴിഞ്ഞ മാസത്തെ കമ്മീഷന്‍ തുകയില്‍ 49 ശതമാനം മാത്രമേ നല്‍കാനാകൂവെന്ന സര്‍ക്കാര്‍ ഉത്തരവ് റേഷന്‍ വ്യാപാരികളെ കടയടച്ചുള്ള സമരത്തിലേക്ക് തള്ളിവിട്ടിരിക്കുകയാണ്. പൊതുവിപണിയില്‍ അരി വില കുതിച്ചുയരുമ്പോള്‍ റേഷന്‍ കടകള്‍ അടച്ചിട്ടാല്‍ സംസ്ഥാനത്തെ ബഹുഭൂരിപക്ഷം വരുന്ന സാധാരണക്കാരുടെ കുടുംബം പട്ടിണിയിലാകും. കമ്മീഷന്‍ ഇനത്തില്‍ 51 ശതമാനം സര്‍ക്കാര്‍ തടഞ്ഞുവെച്ചാല്‍ റേഷന്‍ വ്യാപാരികള്‍ക്ക് മുന്നോട്ട് പോകാനാവില്ല എന്ന് സര്‍ക്കാരിന് അറിയാഞ്ഞിട്ടല്ല. മറിച്ച് കുത്തക അരി വ്യാപാരികളെ സഹായിക്കാനുള്ള കോര്‍പറേറ്റ് ദാസ്യമാണ് ഇതിലൂടെ പ്രകടമാകുന്നത്. ഖജനാവില്‍ പണമില്ലാത്തതിനാലാണെങ്കില്‍ സര്‍ക്കാര്‍ ധൂര്‍ത്ത് അവസാനിപ്പിക്കുകയാണ് വേണ്ടത.് റേഷന്‍ വ്യാപാരികളുടെ കഴിഞ്ഞ മാസത്തെ മുഴുവന്‍ കമ്മീഷന്‍ തുകയും ഉടന്‍ കൊടുത്തുവീട്ടാന്‍ സര്‍ക്കാര്‍ തയ്യാറാവണമെന്നും പി ആര്‍ സിയാദ് ആവശ്യപ്പെട്ടു.